سقاك الله الشاعر محمد صالح

سقاك الله يا يوم التلاقي
على سيف الغرام اللي مشيته

صحيح اني تجرعت الفراقي
لكن (الله واكبر) لا طريته

مع اللي مايخون بـ الوثاقي
هذاك اللي دعاني مادعيته

يحن القلب ويزيد اشتياقي
على الليل الطويل اللي سريته

احبه موت لو الجرح باقي
كثر ماني على بعده بكيته

وعليك الله من باب احتراقي
اغنيها اليا مريت بيته

احايل خاطري وكسور ساقي
على فرقاه لو اني بغيته

وسقاك الله يا يوم التلاقي
على سيف الغرام اللي مشيته

.
.

شيله: سقاك الله يا يوم التلاقي

الشاعر
محمد صالح الهبيده

واداء الشيله
نايف البذالي

ملاحظة:

الشاعر محمد صالح الهبيده
حسابه الوحيد في تويتر
https://twitter.com/m7mdbn__1

لا يوجد له اي حساب اخر في مواقع التواصل الاجتماعي